يابوالشموع الطافيه
هذا النهرقطعة خشب.. موكافيه؟
مترين ابيض من ثلج.. موكافيه؟
يابو الشموع الطافيه وجهن على ادروب الخضر.
خل ينتشر منهن ضواهن للجرف بالعافيه
ماتنفضح ولتخاف من طاري الذبح يابو الجفوف الدافيه
بالك تدوس اعلى الكلب
..مليان اشواك الكلب..
يابو قصايد حافيه
لاتنجرح ..لاتنخبط يابو العيون الصافيه
الراعي ينفخ بالكصب..من يستمع؟
لوللصبح ماينترس والناس تصبح غافيه
زمارة الراعي تخر من كل كتر..
عكد الكصب ماينترس
وماتمطر النخله رطـــــــــــــــــــــــــــــــب
..والسله مابيهاعنــــــــــــــــــــــــــــــب..
من يترس السله رطــــــــــــــــــــــــــب ؟
من يترس السله عنــــــــــــــــــــــب؟
روحي حطب من طيف امس..
روحي حطب ..خل يحترج بالقافيه
مرهونه ارواح البشر..
أرواح اعلى مايك طافيه
ساعه ويفزبيها الجرف وتروح كل القافيه
وهندس نهارك ينجلب ..والدنيه جنها امجافيه
وزع العود اعلى اربعه..
اشلون اتعزف لحن الفرح؟
اشلون اتعزف لحن الحزن؟
وصيتك وماتستمع
وزع الناي اعلى اربعه ..
اشلون اتعزف لحن الحزن ؟
اشلون اتعزف لحن الفرح؟
وصيتك وماتنصح ..
رد الطبيبك وافتهم لتكول علتك خافيه
عوف الحزن غني على اجروحك فرح
واحــــــــــــــتبس دمــــــــــــــع..
ضوي على مايك فرح وانته الشمع
ردانجمع ..
رد انجمع..ردانجمع..
وصيتك وماتســــــــــــــــــــتمع
والكيتك اتغني فرح ماينــــــــجرع..
لاتكشف احــــــــــــــزانك سبع
ينفع حزن ينفع دمع؟
وصيتك وماتستمع ..
عندك اجابه شافيه؟..
ازرع ورد.. اشتم ورد..
اشمر على ناسك ورد
(بالك تدوس اعلى الورد)كالوها اهلك من زمن
وصيتك وما تستمع!!!
لوسافرت لو هاجرت منهو اليلجمه خنصره ؟
ولو أشرت منهو اليطالع دفتره ؟
ولوصرخت منهو اليغمد خنجره ؟
ولوغربت ولوشركت لوتضل عمرين وعمر
ماكو لبن
ولاكو زبد....؟؟؟
مازال مامتصافيه..
اسبح واعبر لوردت والعب بمايك وانحدر..
وغرب وسط هذاالنهر ..
بس لاتوكع كنطره وبس لاتوكعلك جسر...
الجسر لازملك نهر...
رابط اضفاف اعلى النهر..والكنطره
تتباعد احلام النهر..
ويتيه اضفافه الجسر..ويمكن اضفافك تنحدر
امنين تعبر ياورد ...ومنين تعبرياجسر
ولو ورطك واحدعكس
لاتخضع الجلمة (نعم)..استعمل ال(لاء)الناهيه
عيون المها الفوك الجسرهم تنحدر
وكلشي اتخسر
وتضيع اسلال الرطب
وتضيع اسلال العنب
وماترجع اعيون المها..من تبقه مامتصافيه

كلمات في غاية الروعة اخي نعمة السيلاوي تقبل مروري